Et wödt Tied vör ne Entschuldigung

Leserbrief aus dem BBV am 30.06.2016, Zu den Artikeln zum Hochwasser

Bännäzken: „Ohme, woarümme hebbt wey in Bokelt inne Stadt eegentlich kinn Hochwater?“

Ohme: „Datt kann ick dey wall seggen; neggenteynhunderteenunsestig, nao datt groote Hochwater, as de ganze Stadt under Water stunn, hebbt de Lö van unsen Stadtraod un in unse Verwaltung beschlotten, denn Aosee te bau’n. Un no see wey jo, datt batt watt.“

Bännäzken: „Pottdommi nä. Ohme, domaols all! Un, wassen de Bokeltsen dann ooke doarmett invastaohn?“

Ohme: „Watt seggs dou doar, invastaohn; en riesig Bohei wass et. Et heeten:, de Lö in’n Stadtraod un inne Vawaltung bünnt varückt, -de dreiht dör,- Bokelt un ne Aosee – Größenwahn!

Et wass genau sonne Nöhlerei, wie datt van Dage ooke ümmer noch is.“

Bännäzken: „Leck de Söcke Ohme. Dann hebbt de jo domaols nee bloss bis anne nächsten Wahl e dacht – nä, sogar bis int nächste Joarhundert. Ohme ick meene, et wödt Tied, datt sick de Meckerer un -innen es allmälig bey de Politikers un de Beamten vanne Stadt entschuldigen mödt.“

Ohme: „Bännäzken, doar hesse recht.“

Rudi Teriete

Quelle: BBV vom 30.06.2016